Aurkezten dugun materiala, “Txistu online” deituko duguna, txistua eta danbolina jotzen ikasten hasteko ikus-entzunezko materiala da. Hemendik aurrera txistuari buruz ariko garenean beti txistua eta danbolinari buruz ari gara. Proiektua TXISTU BZ taldeak azkeneko bost urteotan garatu du. Zeregin honetan diziplina anitzeko taldea aritu da lanean: musika eskoletan eta kontserbatorioan aritutako bi txistu irakasle, instrumentuko interprete profesional bat, konpositore bat, hezkuntza orokorreko maisua musikaren irakaskuntzan espezializatua eta kudeatzaile espezialista bat.
